Балалардың құқықтарын қорғау комитеті Қазақстан Республикасының Білім және ғылым министрлігі

05.03.2019

«Үздік» жобасы бойынша баспасөз хабарламасы

Қазақстан Республикасы Білім және ғылым министрлігі Балалардың құқықтарын қорғау комитетінің бастамасымен оқуда, интеллектуалды, шығармашылық және спорттық олимпиадалар мен конкурстарда айтарлықтай жетістіктерге қол жеткізген көп балалы, аз қамтамасыз етілген және әлеуметтік қорғалмаған отбасыларынан шыққан еңбекқор, талантты және мақсатқа ұмтылған балаларды қолдау мақсатында 2019 жылғы наурыздан бастап республиканың барлық білім ұйымдарында «Үздік» жобасын ұйымдастырды. Іс-шараның мақсаты – көп балалы және аз қамтылған отбасылардан балаларды қолдау. Қатысушылар: аз қамтылған және көп балалы отбасынан шыққан «өте жақсы» оқитын немесе әр түрлі мектеп олимпиадалардың жеңімпаздары жалпы білім беру мекемелерінің оқушылары. Білім беру ұйымдары оқу жылының тоқсандары бойынша үздік аяқтаған оқушыларды, сондай-ақ олимпиадалар мен мектептен тыс конкурстарда, шығармашылықта, спортта елеулі нәтижелерге қол жеткізген балаларды анықтайды және оларды көтермелейді. Марапаттау шаралары: материалдық, жазғы лагерьге жолдама, үйірмелерге тегін бару және басқа да нұсқалар.

Тізіміне оралу