Балалардың құқықтарын қорғау комитеті Қазақстан Республикасының Білім және ғылым министрлігі

03.05.2019

Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның ХХІV отырысының БАСПАСӨЗ ХАБАРЛАМАСЫ

2019 жылғы 3 мамырда Қазақстан Республикасы Білім және ғылым министрі Күләш Шәмшидинованың төрағалығымен жергілікті атқарушы органдар басшыларын қосу арқылы бейнеконференцбайланыс режимінде Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі - ВАК) ХХІV отырысы өтеді. Отырыста білім беру ұйымдарында оқушылардың қауіпсіздігін арттыру, балалардың жазғы демалысын ұйымдастыру, балалар үйлерін қысқарту, психологиялық-медициналық-педагогикалық комиссиялардың қызметі туралы мәселелер қаралады. ВАК жұмысына Қазақстан Республикасы Парламенті Сенатының депутаты, Қазақстан Республикасының Бала құқықтары жөніндегі уәкілі Сәуле Мұханбедианқызы Айтпаева, ВАК мүшелері, орталық мемлекеттік және жергілікті атқарушы органдар, Адам құқықтары жөніндегі ұлттық орталық, халықаралық және үкіметтік емес ұйымдар басшылары қатысуы жоспарлануда. ВАК қорытындысы бойынша орталық мемлекеттік және жергілікті атқарушы органдарға оқушылардың қауіпсіздігін, жазғы демалыспен балалардың қамтылуын ұлғайты, елдегі балалар үйлерін қысқарту, психологиялық-медициналық-педагогикалық комиссиялардың қызметін күшейту жөніндегі қосымша шараларды қабылдау жөнінде нақты ұсынымдар тұжырымдалады. _____________________________ Кәмелетке толмағандардың ісі және олардың құқықтарын қорғау жөніндегі ведомствоаралық комиссия (ВАК) Қазақстан Республикасы Үкіметі жанындағы консультациялық-кеңесші орган болып табылады. Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссия кәмелетке толмағандар арасындағы құқық бұзушылықтардың, қадағалаусыз және панасыз қалудың алдын алу, олардың құқықтары мен заңды мүдделерін қорғау және балалардың құқықтарын қорғау саласындағы мемлекеттік саясатты іске асыруды қамтамасыз ету жөніндегі ұсыныстарды әзірлеу мақсатында 2007 жылы құрылды

Тізіміне оралу